ياعيني عليك * * * بقلم الشاعر المتالق احمد طلبه

ياعيني عليك
بقولها وهي ماهانت عليك

شايفها معاه ولا هي شايفه
بتضحك بجد وهي اللي خايفه
لكن انت عارف وجواها عارفه
بأن اللي بنكم دا لسه بعينيك

وتهرب عينيها بعيد عن عينيك
ياعيني ياغالي ياعيني عليك
===================

ماهانت عليها هواكو وحياتكم
وواضح عليها أنها صح ناسيه

ودلوقتي واحد واقف مابنكم
وفرحانة بيه ووياك انت قاسيه

وانت اللي واقف كأنك غريب
كأنك ما كنت يا صحبي حبيب
بتسأل في نفسك تقول النصيب
ولكن حياتي واقفه ما ماشيه

وواقفه بقلبك ماراضيه تفوت
ورغم هي مش باقيه ليك

بتدعي بقلبك بتحلم تموت
ولا تبقي هي بعيده عليك
ياعيني عليك
بقولها وهي ماهانت عليك
================

في عينك بتوجع نظره لعينيها
وتبكي عيونك مايصعب عليها
ولا هي حسه وبتحس بيها
وبتحس بيها هترجع إليك

دي ساكنه ف جوارحك ونفسك وروحك
بتوجع ياصحبي لكن هي روحك
خلاص انت تصبر وتكتم جروحك
وتدعلها تفرح دي غاليه عليك
ياعيني عليك
بقولها وهي ما هانت عليك
==================
احمد طلبه