مزاد القلوب
.............
اليوم راح أسوي مزاد
مين راح يقول هات
ده قلب ولهان دنچوان
وده لعيب في كل ميدان
آه جينا ل هٙداف الأجوان
يبكي ويقول ولهان عشقان
وهو للكدب والزيف عنوان
وعامل فيها للتقى مثال و ألوان
ويقول ده أنا كلي طِيبة وحنان
طبعا حنان عنده تبقى بنت الجيران
أصله بالهزار والفرفشة واد جنان
يسعد الجَمعة واللمه ويضحك التعبان
والكل واقف جنبه يفكر و حيران
هو طيب ولا ده شغل قناع وبهلوان
يلعب على كل الأحبال ولا أجدع فنان
ونيجي بقى بالمزاد لقلب الواد الغلبان
يحب ويعشق ويسهر الليل ما ينام
حظه وقعه بواحدة ياعيني ألعوبان
تلعب بالبيضة و الحجر وتقرى الفنجان
وتقول له ضحكتك يا واد دي جنان
تسمح لي اكون رفيقتك وقربك بالزمان
وهي مع أول قلب جديد غني زوغان
وتركب الموجة وتطلع جري طيران
ما هو أصل الشهرة مش بالمجان
يا عيني عليك يا قلب يا غلبان
ما قولتوا لي تختاروا مين يا جدعان
القلب الدنچوان ولا القلب الغلبان
يا خسارة عليك يا بني الأنسان
بعت الطيبة والاصل بأبخس الأثمان
وأشتريت اللاعيبة وانت الخسران
شطحات منى براديس
ليست هناك تعليقات:
إرسال تعليق