- قصيدة بياع العرقسوس
- ===================
- يا عرقسوس شفا وخمير
- اشرب وفوز فى حاجات وكتير
- واروى فى عطشك بالعرقسوس
- ده حلو خالص بطعم اللوز
- يظبط فى ضغطك ويزيد كمان
- ويغسل همومك بالروقان
- الشفطة منه زى النسيم
- اشرب واسمع عبد الحليم
- ومنه شربه كتير حلوين
- وبسببه هو صاروا مشاهير
- حليم وسومة وعبد الوهاب
- فريد وانور وكمان كتاب
- وكان يجينى نجيب محفوظ
- يطلب ويشرب من عرقسوس
- وبيدى قوة للعمال
- بشفطة منه يهدوا جبال
- ويدى خصوبة للستات
- وبيشربوه هو بالذات
- ولو فى سوسه تدى له بوسة
- بشفطة منه تصير عروسة
- ولما يجى كمان رمضان
- بيشربوه على كل فطار
- يبل ريق كل الصايمين
- مع الخشاف وده قمر الدين
- والناس بتدفع اى فلوس
- وتقول هاتوا لى فى العرقسوس
- اشرب يا جلجل انت وسمير
- وهادوا فرحة وكمان عبير
- وانت يا عبده وعبد العليم
- اكياس لسوكة ومحمود بهير
- خلاص جبرنا بحمد الله
- وبكره اجى بأمر الله .
- ويفرح برزقه فى اخر اليوم
- ويجيب لامه كباب وزهور
- ويقول لامه انا دوبت خلاص
- نفسى نروح نخطب اخلاص
- وتقول له امه ده نفسى كمان
- وتسكنوا معايا فى امان
- ويقول لها هو المطلوب
- شبكة ودبلة والشقة يدوب
- ويروحوا يزوروا عيلة
- اخلاص وهى بتحبه باخلاص
- وابوها طيب ومهاود
- وامها ليه بتعاند
- تقول ده لازم من شقة
- مفروشة من كله ولا يتبقى
- وفرح ده يحكوا ويتحاكوا
- وفستان بتلى على هواكو
- وشبكة حلوة مع خلخال
- تفضل تضوى مع الايام
- ويقول لها وده كله منين
- ظروفى صعبة واروح فين
- ويقول ابوها وماله يازين
- على كل حال احنا شارين
- وامها تصرخ وتقول ابدا
- مايحصل مش معقول
- بنتى ياخدها اللى شاريها
- ويستتها برضه ويحميها
- وتقول بسرعة كده اخلاص
- ده زين شارينى وباخلاص
- راح نبنى طوبة على طوبة
- وحياتنا حتصير محبوبة
- وامها تصرخ وتقول
- يعنى موافقة ياعيبة الشوم
- مافيش لا شقة ولا حتى فلوس
- وهو بياع العرقسوس
- وتقول بقلبه هو شارينى
- وكفاية حبه يغطينى
- تصرخ تقول انتى وابوكى
- راضين وبكره يعايروكى
- طيب بشوقك يااخلاص
- عايزاه خديه انا دوخت خلاص
- وزغرودة تطلع للعروسين
- والحب يجمع بين قلبين
- وتمر وتفوت الايام
- واخلاص تساعده فى كل اوان
- ويحوشوا ثروة وفلوس
- من بيع وشرب العرقسوس
- واولاد بتكبر وكمان احفاد
- ميراث لمهنة تركوها الاجداد
- ويقولوا يا عرقسوس شفا وخمير
- اشرب وفوز فى حاجات وكتير
- واروى فى عطشك بالعرقسوس
- ده حلو خالص بطعم اللوز
- يظبط فى ضغطك ويزيد كمان
- ويغسل همومك بالروقان
- الشفطة منه زى النسيم
- اشرب واسمع عبد الحليم
- مع تحيات الفقير الى الله
- ياسر شرف
- كبير محررين مترجمين
- بقطاع الاخبار- الاذاعة والتلفزيون
الأربعاء، 31 مايو 2017
قصيدة بياع العرقسوس*** بقلم الشاعر ياسر شرف
الاشتراك في:
تعليقات الرسالة (Atom)
الا يا وطني.. * * * بقلم الشاعرة المتالقة ملاك شمس ناصر
الا يا وطني.. أنت الحلم عشقناك وطناً وعشقنا الألم بحجارتك ثوراتنا و زغاريد امهاتنا تشحذُ الهمم كلنا عروسك حبك ينشده المبسم بعزمك...
-
شمس العشية . شــــــــمس الــــــعشية مـــــالت للغروب بـــــــالله يا شـــــــــــــمس لا تـــــــغيبي لـــــــــــــــــــيل ا... -
عشق العيون السود.... اصابت قلبي بنظره من تلك العيون الرموش شهود... اي صلاة عشق في محراب العيون باطله الافي محربها تحت الرموش وفوق لهيب الخ... -
تسألني كم تحبني ؟ وهل لحبك ِ حجم ويقاس ب الكم لا والله لا وعلى ما اقول وحده الله يعلم احبك كحبها لجنينها الام كحب ِ مناضل ٍ لارضه والع...
ليست هناك تعليقات:
إرسال تعليق