.حلم زمان *** بقلم الشاعر محمد مغاورى

• من ديوانى فى العاميه قصيده بعنوان .....حلم زمان .....بقلمى .....محمد مغاورى ..........كان الحلم امبارح سارح فى ملكوت الله فرحان ..................كان هيمان........ كان انسان كان بيمد الخطوه يقولوا..والله زمان....ًوالله دا كان الحلم بحالوابكل جماله.............. بس خياله كان قلقان..ليه قلقان؟؟ليه فرسان اللحظه تملى كات بتصلى على أشلاء العمر تملى كات بتخلى الصوت كتمان........ كات بتخلى الموت تصويره في الوجدان........حلم امبارح فى الكون سارح مالو مكان........................حلم امبارح خلى القلب فى كل غناوى العشق التايه كان فنان............. يضرب عود الوجد يلاقى أرض شراقى م الحرمان......... يضحك...... يبكى........ ويرجع يشكى من تسبيلة عين اللحظه فى قلب زمان .........خايف يخرج صوت رنان .........خايف يزعق يرجع يزهق من تفسير اللحظه جنان .............فى البركان الساكن حرفى مليون صيرفى شايل ثروه م الأحزان..........ً......شايل كل حروف الخوف ف منايا ..لابس ٱيه فيها خبايا وسر سرايا الليل الواقف على ابواب الفجر العاشق والنور راشق جوه حنايا الروح الرافضه للكتمان ..............عاوز اصرخ .......عاوز اسلخ جلد اللحظه تجينى قوام ......عاوز أرجع حضن سمايا .......بس ورايا نص الروح الباقى معاك ........دا انت ملاكى وانت هلاكى وانت الشئ الساكن حرفى..ً....... ممكن مخفى...... ممكن يشفى كل جروح الناس ويجينى.......... جوه جبينى ألفين لعنه من الاوهام.......ياما كلام ......ياما غرام ........ياما قصايد كنت اكتبها كنت بسيبها جوه كنوز الروح ترجع لي..........مسخ .وشايل مليون مايل......... حالف يسكن جوه الفكر الرافض يسكت عمال يبعت كل رسايل شوقى ويصرخ......... طب ليه يصرخ........ طب مين سامع......... طب ماانا عارف..إنى انا خايف من كام لحظه بيا تعدى وانا متغدى ألفين موته كنت شايلهم ف العنوان كنت شايلهم ف العنوان