ست الصبايا * * * بقلم الشاعر المتالق احمد طلبه

ست الصبايا
ليه تحسدو  ست الصبايا
عالبسمه
والبسمه فيها بتداري
في جراحها
عارفه ياعيني نصيبها
دا قسمه
والقسمه هي مين
يفرحها

كل العيون حواليكي
يابنيا
لكن دموعك ولا حد
يلمحها
لو كان بإيدي أشيلها
بعينيا
واحفظ مابين روحي أنا
روحها

أصل الحكايه البنت
وحديها
راحو الحبايب وسابوها
دي لروحها
مين اللي يسأل كدا
عليها
وهي ياعيني مكسوره
في جناحها

صح اللي فيها كتير
مكفيها
لكن قويه وعايشه
لطموحها
بس الدموع دي كتيره
بعينيها
هي الوحيده اللي
تريحها

أحمد طلبه