مجلة واحة الحروف العربية الادبيه : سمعنا من اللي قبلنا *** بقلم الشاعر المتالق محمد رشاد

سمعنا من اللي قبلنا
من غير ما حد يقلنا
أن الدين لله والوطن للجميع
مسلم مسيحي ليه نختلف
وبجهلنا راح نتعرف
وح يبان علينا الضعف
والرب واحد للجميع
***********
ليه كل منا بــ يحاول يكون زعيم
يخبي فكره مع إن شكله ما يبان لئيم
ويترسم قدام جماعه
يمكن تكون جاته الولايه
وحب يمارس دور الزعيم
اهو راح أخوه ضحية حقده
وما أظن انه راح شهيد
هو الاختلاف في الرأي يقطع مننا حبل الوريد
واللي ورثناه من أهلنا ضيعه الغضب الشديد
وأحنا لينا زمان عايشين جيران والايد في الايد
في المناسبة السعيدة نهني
نفرح ويا بعضنا ونغني
وكل واحد عايش سعيد
وفي النهاية يروح يصلي
رب واحد لمحمود ويني
والكل عايشين موحدين
***************
الله عليكي يا مصر لما يكون ولادك متوحدين
يغزلولك من النصر طرحه ويزرعولك الباستين
وترتاحي من بعد حتي يـ ضيعولك تعب السنين
وتشدي حيلك وتخلي بالك علي ولادك الصغيرين
الله عليكي لما يتوقر فيكي الكبير
ووتزرعي في قلوبهم الرحمة الكبير والصغير
وعمر الدم ما يبقي ميه ولا الحاجب يعلي علي العين
واللقمة الواحده تكفي 100 وبتبقي هنيه لما ياكل منها الجميع
*********
وفي اكتوبر كنا نحارب مع بعضنا
مسلم مسيحي كنا بندافع عن أرضنا
كان في قلب المعركة القلوب متشبكه
كل واحد بـ ياخد ركن ويروح يصلي ربنا
والعدو عينه علينا مستني نقطة خلاف
وبيزرعها فتنة حتي نكون دايما ضعاف
عايزين يشغلونا عن الحدود
بيفكروا الزاي يمحونا من الوجود
عدونا واحد يا ولاد بلدي
معروف للكل واللي ح يجي من بعدي
تعالوا نتحد ونقاوم ونتوجد وللأزمة نعدي
تعالوا نزرع الأمل ونمهد الأرض لعود أخضر
تعالوا نزايد علي حبنا ونشوف مين بحبها أكتر
تعالوا نقول زي زمان يحي الهلال مع الصليب
وأنا بنادي بأعلى صوتي يا تري هل من مجيب
----------------
محمد رشاد

مجلة واحة الحروف العربية الادبيه

الاثنين، 2 أبريل 2018

سمعنا من اللي قبلنا *** بقلم الشاعر المتالق محمد رشاد

ليست هناك تعليقات:

إرسال تعليق

الا يا وطني.. * * * بقلم الشاعرة المتالقة ملاك شمس ناصر

بحث هذه المدونة الإلكترونية