- هعيش بيكي
- ولو يرضيكي من غيري
- تعيشي سعيده انا هبعد
- وإن ترتاحي مع غيري
- وقلبك يبقي بيه أسعد
- هتبقي روحي انا مسامحه
- ولو كنتي صحيح جارحه
- كفايه تكوني بالطرحه
- وقلبك بالحياه يسعد
- ماانا حاسس كأني سجين
- ومش عارف اكون ليكي
- لأني في الحياه مسكين
- وكان نفسي أنا أحميكي
- فقير الحال بجد حزين
- وايه بس اللي بإيديكي
- هتنسيني صحيح في يومين
- لكن حظي هعيش بيكي
- =================
- انا كنت في يوم بحلم
- تكوني بجد علشاني
- لكن مقدرتش إني افهم
- وليه الدنيا كرهاني
- وسيباني كدا بجرحي
- مابين الحزن رمياني
- ماحسش حتي انا بفرحي
- وليكي كمان ماعايزاني
- وحالي بجد دا يصعب
- حبيبتي والله عليكي
- مهوالحب كتير متعب
- وتعبان إني مش ليكي
- ماانا حاسس كأني سجين
- ومش عارف اكون ليكي
- لأني في الحياه مسكين
- وكان نفسي أنا أحميكي
- فقير الحال بجد حزين
- وايه بس اللي بإيديكي
- هتنسيني صحيح في يومين
- لكن حظي هعيش بيكي
- ==================
- احمد طلبه
ليست هناك تعليقات:
إرسال تعليق