حكايه قلبين
دي حكايه بين قلبين بعاد
قلب أتملي غل وسواد
وقلب كان ست البنات
متحمله كتير قسوته
أصل البنيه حبته
ولا عمرها يوم كرهته
رغم إنه ضالل الطريق
وقفت قصاده بسكته
كان قلبه قاسي و حجر
زي ليل وعتمه كان خطر
وهي كانت له قمر
بيضيء بجد في عتمته
ولا عمره شاف حاجه بعينيه
كان ليه يضيعها بإيديه
عاش والديابه من حواليه
بتحوطه شداه لأخرته
ساب اللي كان بيحبها
كان راضي بس يذلها
ضيع هواه من قلبها
خلاها تعبت كرهته
كرهت جشع قلبه اللي مات
رغم إنه حبها من سكات
كانت في نظره ست البنات
لكنها كتير كرهته
واتغيرت فيه الملامح
أصبح حقيقي شخص جارح
مبقاش حقيقي قلب صالح
ولا حد حابب دنيته
اخر المطاف أهو راح بجد
ولا حتي نفعه من ظلمه حد
ولا حتي نجده م الخلق حد
وهي عاشت وسابته
***********************
أحمد طلبه
ليست هناك تعليقات:
إرسال تعليق