باين عليها ..
☆☆☆
باين عليها ..
ألف حاجة مكسورة فيها ..
صوتها زي أسوار حزينة ..
حابسة دموع .. آسرى عنيها ..
أي دمعة .. تحاول تهرب ..
بضحكة باهتة .. تداريها ..
شكلها صلبة .. ف محنة صعبة
بشويش .. عايزة تعديها ..
لكن ساعات .. تضعف لحظات ..
وم الوجع .. بيفيض بيها ..
وكأن الدنيا معانداها ..
وحالفة ليلاتي تبكيها ..
ولو رسمت صورة حلوة ..
ألوان الحزن .. بتكسيها ..
ثقتها ضعيفة .. ف أي حد
ولو بيمد .. إيده لأديها ..
وخايفة تقرب من أي حد ..
مهما حاول يراضيها ..
سيبتها شاردة ..
وسيبتلها وردة ..
وبأيدي ..
طبطبت عليها ..
ومشيت بعيد .. وأنا بسأل ليه ..
ومين اللي حاول يأذيها ؟!
وردة جميلة .. بلون الحب ..
استكتروا الحب عليها ..
باين عليها ..
بقلمي/ عادل محمود ..
ليست هناك تعليقات:
إرسال تعليق