(دنيا العجب )
......................
فيها الميزان إتقلب
لا فى إحترام
لخال وعم
والبلطجة
والمهيصه
فى الشوارع
هو ده الذوق
والأدب
عيشة غم
شربنا منها
نهر دم
وألف هم
فوق التعب
وعروسة حلوة
وعريسها جوه
مقفول عليه
علشان مجبش
شبكة دهب
وشاب قاعد
عضلاتو كيلو
ماشفش غيرو
فى الميكروباص
وراجل عجوز
واقف قصادو
صرخ وقال
تعبان يا هو
قوم يا وحش
ولا انت جحش
قوم وقعد
عمك رجب
حتى الرياضة
بقت خناقة
وتشم فيها
ريحة العفن
من الجمال
اللى إندفن
وشتيمه
تسمع
ونار تولع
وتقول فى ايه
الحرب قامت
يقولوا ...
أسكت
فرقتنا فازت
ومحتاجين
حبة شغب
ودى مصانع
قفلت بيبانها
على اللى فيها
ولا حد جاى
ولا حد رايح
وكل يوم
نسمع فضايح
ويافتة بيضا
مكتوب عليها
بخط بارز
مصنع علب
وده موظف
راجع لبيتو
الفكر شغلو
علي المهية
هتكفى ايه
ولا ايه
هتكفى أكل
مبقاش
فى عقل
مجبش
حبل
وانتحر
ذى كلب
جالو جرب
عارف يا بيه
ايه اللى ينفع
لا كتابة شافعة
ولا كماشة
علم ابنك
يلعب كورة
هتشوفو
عالشاشة
وعلم البنت
القمورة
اذاى تبقى
أجدع
رقاصة
هتشوف
فيهم
كل العجب
بقلمى .... وائل صديق
ليست هناك تعليقات:
إرسال تعليق