.......رغـــم الـبــعـــاد....... 1
كنت باعيش فى
عينيها بالساعات
كانت هيا اللي جاي
وكانت هيا اللي فات عشت ف هواها سنين لكن قلبي بفراقها مات كانت بنت غير كل البنات كانت منوره زي الملاك
ولما أشوف نورها من بعيد
أحس إني باتولد من جديد
يرقص من الفرحه قلبي
واحس إني طير بجناحات
وهيا كمان عشقتني بجنون
كان عشق يملى كل الكون
وياما قالت عيونها بهواك
حياتي ملكك وروحي فداك
عيوننا كانوا ف الهوى حيارى
كانوا بيقولوا كتير كلام
فى الحب والشوق والغرام
كنت شايف الحب ف عنيها
والعشق فى روحي شايفاه لكن ضعفي لجمني بالسكات
فرقتناالسنين واتغيرت حاجات
وضاعت معاها كل الأمنيات
فياحب ما أجملك بلا مقدمات
ذكرياتنا عايشه طول الأوقات ولسه حبيبتي جوايا ساكنه
وروحي ساكناها رغم البعاد
ما انا طول الوقت شايفها
مهما طالت بيننا المسافات
عاميه......
محمود عبدالخالق...
3/7/2017
ليست هناك تعليقات:
إرسال تعليق