احلي عيله
احمد طلبه
هي قصه مش تقيله
ذكره ليا كتير جميله
خدني شوقي بجد وقت
ما احنا كنا احلي عيله
===========
عند باب البيت جريت
شوفت رسم قديم بالحيط
هي رسمه رسمها ابويا
لما جدي حج البيت
حنيني خدني وعيني فرحت
لما بالايام دي سرحت
جوه قلبي ماضي فتحت
غصب عني كتير باكيت
============
انت روحت فين ياابويا
سبت امي ولسه اخويا
بين أيديها باقي طفل
وايه يعوض ضفر ابويا
كنت ليا أمان وسانادي
كنت أغلي حاجه عندي
اسمك انت باسم والادي
نسخه من شكلك ياابويا
===========
فين زمان لمت عيليتنا
اللي كانت جوا بيتنا
كنت يا ابا انت ضل
وانت كنت صحيح قيمتنا
ولا كنت مره قاسي
حتي للواجب ما ناسي
ياللي كنت أعز ناسي
يوم ما روحت الناس نيسيتنا
============
جدي راح بعدك وفات
منه ساب الذكريات
صوره ليكو وكم حاجات
تبقي بتصبر حياتنا
هي دي سنه حياه
مهما نفرح تبقي أه
عاللي بيروح مابنلقاه
يبقي مالك ذكرياتنا
============
كل ريحه يا غالي منك
لسه انا محافظ عليها
باقيه تحكي ليا عنك
وامي وصيتني عليها
وهو ايه بعدك يعيني
عالحياه غير بس أني امي
كل يوم الصبح بدري
ايوه لازم أبوس ايديها
تحياتي
لقد حاولت ان اكتب إحساسي الذي يعتصر قلبي
فلم اجد ما يعتصر قلبي
إلا حب والدي
رحمه الله عليه
احمد طلبه
ليست هناك تعليقات:
إرسال تعليق