السلام عليكم
ل حنيت داك عليا فرض...مستسلم غرضي
ماكان مغير الله يعوض...يلازمني فرضي
طيف لمحبة هب ركض...حظر فتك العينين
زين ودين وطاعة لوالدين
****************
ضوى الليل بعد اظلام...شمست بلا همي
زين و صفا حلك لغيام...غيثو قاصد يرمي
تسلطن،وتواتيه لحلام...و يواتيه بين لبين
وزين ودين وطاعة لوالدين
****************
لو درى بيا نظن يعذر...مغفل ماهو داري
لقلب لحمة فيه يعصر...ليوم زادو ضراري
نتبكم ولا قصتو نجهر...و لا لمخرج امنين؟
وزين ودين وطاعة لوالدين
****************
قلت وصفو طل هلال...على لخاطر مجلي
كل ساعة ليه فالدلال...فالحلى حلو يحلي
لا ينصفو كل من قال...لاحساس ولا حنين
وزين ودين وطاعة لوالدين
****************
تغير فالبنات و تعذب...سر ملجم ومخبي
وسري عز فيه تجذب...و نسايس فقلبي
و على الروح نتسبب...و مكبل فكل حين
وزين ودين وطاعة لوالدين
****************
معذور فميزان لولف...ولعبار ضد صفي
عقل جبل عندها خف...فعصابي اتصفي
بشانها ل لعلة تهتف...ولا ليها ف حزين
وزين ودين وطاعة لوالدين
****************
لاحيلة و للرماح تخط...و تقيس و توطي
تغم لحر عالجرح تحط...و رسات فشطي
وتصنع فالورد وتربط...و فكل باقة تلين
وزين ودين وطاعة لوالدين
****************
بهر بهيبة صمت صرخ...ما نفعني فخي
فكاري تتلاطم وترضخ...ول يهلاك مخي
و مصادر حبري اتفرخ...من لبيت لمتين
وزين ودين وطاعة لوالدين
****************
ليها اشفا و ليا لهواس...و برهن حبسي
عادها اتوام مع لنفاس...و ساقية حسي
مروضة لعصب ينقاس...و بلا فعل شين
وزين ودين وطاعة لوالدين
****************
لا نستاهل لا نجم بان...إلا من يرغمني
لا يكسب فلان وعلان...و لا حديث عني
كتبت للجيل عز لخلان...صحرا وكلمتين
وزين ودين وطاعة لوالدين.
#خالد_سلامي
ليست هناك تعليقات:
إرسال تعليق